Hy speel trompet, omdat dat dit “die opvallendste en die mooiste instrument in enige orkes is.”

Só het Frikkie Snyman van Affies trots gesê.

Hy speel dié instrument in die skool se orkes en die Suid-Afrikaanse jeugorkes.

Volgens Frikkie laat musiek hom ontspan.

Die slimkop het onderskeidings in Afrikaans, Engels, wiskunde, lewensoriëntering, musiek, inligtingstegnologie en fisiese wetenskappe gekry.

“Ek gaan B.Sc rekenaarwetenskappe by Tuks studeer om uiteindelik interaktiewe programmatuur te programmeer.”

Hy hoop om eendag ’n naam vir homself in sy beroep te maak.

Frikkie is nie net ’n boekwurm nie. Hy het drie jaar lank aan die ATKV se nasionale debat-kompetisie deelgeneem.

Hy het nooit ’n tekort aan woorde nie. “Ek hou baie van lees.”

Sy ma, Leonie, is ’n boekhouer vir ’n prokureursfirma en sy pa, Leon, is ’n mediese professor.

Volgens Frikkie is hy ook ’n kranige gholfspeler.